Bordi i Zyrës së Rregullatorit për Energji (ZRRE) ka mbajtur sot një mbledhje, në të cilën janë miratuar disa vendime të rëndësishme që prekin tarifat e energjisë elektrike për konsumatorët në Kosovë. Tarifat e reja janë mesatarisht 16.1 për qind më të larta krahasuar me ato aktuale.

Në rend dite ishin shqyrtimi dhe miratimi i propozimeve për tarifat për operatorët KOSTT, KEDS dhe KESCO.

Me pesë vota për, është miratuar propozimi për aprovimin e tarifave për shfrytëzimin e rrjetit të transmetimit dhe tregut.

Po ashtu, është miratuar propozimi për tarifat për furnizuesin me shërbim universal, si dhe tarifat për shfrytëzimin e rrjetit të shpërndarjes.

Ndryshe, kjo mbledhje vjen pas vendimit të ditëve të fundit nga ZRRE, ku u miratua rritja mesatare e tarifave për të gjitha kategoritë e konsumatorëve, bazuar në të Hyrat e Lejuara Maksimale.

Gjithashtu, në rend dite ka qenë edhe shqyrtimi i disa ankesave, por mediat nuk u lejuan të qëndronin gjatë këtij pjesë të takimit, pasi sipas zyrtarëve të ZRRE-së, kjo do të cenonte të drejtat e konsumatorëve./Arbresh.info